Ukrayina infraterkibi nazirininh muavini Mustafa Nayyemniñ qardaşı ukrayinalı advokat ve arbiy hızmetçi Masiy Nayyem cebede ağır yaralanuvdan soñ bir közsüz qalğanını bildirdi.
"Özüme keldim. İç bir vaqıt bir közüm olmaycaq. Digerinen yaramay körem... Dostum içün daa çoq raatsızlanam, o, alâ daa komadadır. Er şey Ukrayina olacaq", - dep yazdı o.
Bir kün evel, başından ve közünden ağır yaralanğan Masi Nayyem ameliyat içün Dnipro hastahanesine alınğanı belli oldı.
Masi Nayyem – advokat ve aq-uquq qoruyıcı. Natsem 2015-16 seneleri Donbasta antiterroristik ameliyatı mıntaqasında cenkleşti. Aprelniñ 17-nde 37 yaşındaki Masi Nayyem Ukrayina Silâlı Quvetleriniñ sırasına qaytqanını bildirdi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
