Link açıqlığı

Saatnıñ esas haberi

Qırımdaki mahkeme advokat Edem Semedlâyevni apiske aldı


Advokat Edem Semedlâyev
Advokat Edem Semedlâyev

Rusiye kontrolindeki Aqmescitniñ Kiyev rayon mahkemesi advokat Edem Semedlâyevni 12 künge apiske aldı. Bu aqta Qırım.Aqiqat mühbiri bildirdi.

Daa evel belli olğanına köre, Semedlâyev «polis talaplarına riayet etmegeni içün» tekrar memuriy protokol tizilmesi içün Qırımdaki Rusiye Ekstremizm ile küreş merkeziniñ binasına çağırıldı. İmayeci daa evel Rusiye mahkemesi «soñunace tizilip bitirilmesi içün» yollağan protokollarnı tekrar tizmek içün çağırıldı.

Semedlâyevniñ zenaatdaşı Emil Kurbedinovnıñ aytqanına köre, Ekstremizm ile küreş merkeziniñ hadimlerinden biri Semedlâyevden polis bölüginde soyunmaq edi.

Semedlâyevniñ ömür arqadaşı Elvinanıñ Qırım.Aqiqatqa bildirgenine köre, o, mahkeme oturışuvına kirip olamadı.

«Mında aqayımnıñ menfaatlarını temsil etmek, mahkemege kirmek içün keldim, amma Ekstremizm ile küreş merkeziniñ hadimi Şambazov Ruslan Renatoviç tarafından daa bir intiqamğa rastkeldim, dep aytmaq mümkün. Bu nasıl oldı. Mında evakuatorlar keldi ve 2 maşinanı aldı, maña qarşı memuriy kodeksniñ maddesine istinaden protokol tizildi. Meni para cezası bekley. Protokol Şambazov Ruslan Renatoviçniñ talabınen polis hadimi tarafından tizildi. Böyle bir hulâsa çıqardım, çünki maşinamnıñ yanında taşlanğan diger maşinalardan iç birisi alınmadı… Maşinam, men maşinada edim, toqtatılmağan edi, amma polis hadimi kene de protokol tizdi. Oña kerekli vesiqalar berdim. Şambazov Ruslan Renatoviçke protokolnı kösterdim, oña teşekkürlerimni bildirdim. O, başını salladı, yani, añlağanıma köre, «bir şey degil» dedi. Ekstremizim ile küreş merkeziniñ hadimi Şambazov Ruslan Renatoviçniñ hadimi tarafından böyle bir intiqam oldı», – dep tarif etti Elvina Semedlâyeva.

Mahkeme binası ögünde Elvina Semedlâyevağa qarşı protokol tizildi
Mahkeme binası ögünde Elvina Semedlâyevağa qarşı protokol tizildi

Cumaertesi künü, oktâbrniñ 25-nde, Aqmescitteki Qırım garnizon arbiy mahkemesiniñ binası ögünde Rusiye quvetçileri Qurmandaki «Hizb ut-Tahrir davasınıñ» mabüslerine qoltutmaq içün toplaşqan 20-den çoq kişini tuttı. Tutulğanlarnı Aqmescitniñ Merkeziy rayon polis bölügine alıp kettiler.

Daa soñra Rusiyeniñ Merkeziy rayon bölügine kelip, saba mahkeme ögünde tutulğan qırımtatarlarğa uquqiy yardım köstermek içün kelgen advokat Edem Semedlâyevge qarşı «poliske boysunmağanı» içün memuriy protokol tizildi.

Aqmescitte Rusiye kontrolindeki Qırım garnizor arbiy mahkemesiniñ binası ögünde tutulğan qırımtatar faalleri, jurnalistler ve advokat yarımada regionlarınıñ farqlı vaqtınca tutuv izolâtorlarına ketirildi. Oktâbrniñ 26-nda mahkeme keçirilmesi planlaştırıla.

Qırımnıñ Rusiye quvet müessiseleri bu tutuvlarnı tefsir etmey.

«Krım SOS» cemaat teşkilâtı Aqmescitte qırımtatar faalleri tutulğanı sebebinden «Qırım platformasınıñ» işini faalleştirmege çağırdı.

Rusiye quvetçileriniñ oktâbrniñ 25-nde qırımtatar faallerine qarşı yapqan areketlerini takbih etken beyanat Ukraina prezidentiniñ Qırım Muhtar Cumhuriyetindeki Temsilciligi tarafından aydınlatıldı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG