Advokat Emil Kurbedinov, grajdan jurnalisti Vilen Temeryanovnıñ Rusiye polisiniñ hadimleri tarafından yaqalanuvını temyiz etkenini haber etti. Bunı o, “Qırım birdemligi” cemaat birleşmesine ayttı.
“Şikâyet başta Aqmescitke baqılması içün yollanılğan edi, bugün ise onıñ Qırım Cumhuriyetiniñ İç işler Nazirliginiñ reberine yönetilüvi aqqında belli oldı”, – dep ayttı advokat.
Rusiye idaresi astındaki Aqmescitniñ Merkeziy rayon mahkemesi cemaat jurnalisti Vilen Temeryanovnı 2000 rublelik cöreme ödetti.
Aqmescitniñ Merkeziy rayon mahkemesi cinayet terkibiniñ olmaması sebebinden cemaat jurnalisti, "Qırım birdemligi"niñ mühbiri Vilen Temeryanovnıñ davasını qapattı.
Advokat Emil Kurbedinov, dekabrniñ 28-nde saba Canköy rayonında öz evi yanında yaqalanılğan cemaat jurnalisti Vilen Temeryanovnı Rusiye nezaretinde olğan Aqmescitniñ Merkeziy rayon mahkemesine ketirgenlerini haber etti.
Dekabrniñ 28-nde saba "Qırım birdemligi" cemaat birleşmesiniñ faalleri, Rusiye polisiniñ hadimleri cemaat jurnalisti Vilen Temeryanovnı "mecburen iş maşinağa oturtıp evden alıp kettiler", dep haber etken ediler.
Noyabrniñ başında Rusiye politsiyası qırımtatar faali, "Grani.ru" neşiriniñ jurnalisti Vilen Temeryanovğa qarşı memuriy bozuv aqqında eki protokol tizdi. O, Aqmescitte Rusiye kontrolindeki Qırım garnizon arbiy mahkemesi ögünde, insanlar Qurmandaki "Hizb ut-Tahrir davası" mabüslerine qol tutmağa toplaşqan yerde tutuldı.
