Rusiye Abu-Dabideki muzakerelerde esirlerniñ büyük deñişmesi aqqında añlaşmanı tasdıqladı.
Rusiye prezidentiniñ yardımcısı Vladimir Medinskiyniñ aytqanına köre, deşmeniñ belli bir adımları yaqın vaqıtta ilân etilecek eken.
Bol aynıñ 10-nda Birleşken Arap Emirlikleriniñ Abu-Dabi şeerinde Ukrayina, ABD ve Rusiye arasında üç taraflı muzakereler başlandı. Bundan evel Ukrayina delegasiyası Britaniya, Frenkistan, Almaniya, İtaliya, NATO ve Avropa Komissiyası vekillerinen körüşti, olarğa ABD mahsus vekilleri Stiv Vitkoff ve Djared Küşner de qoşuldılar.
Bundan soñ, Ukrayina muzakere gruppasına yaqın menba Azatlıq Radiosına bergen intervyüsında Abu-Dabide üç taraflı muzakerelerniñ birinci kününde yaqın vaqıtta mabüslerniñ büyük deñişmesi aqqında añlaşma elde etilgenini ayttı.
Muzakere delegasiyasınıñ raportından soñ, Prezident Volodımır Zelenskıy Abu-Dabideki körüşüv vaqtında taraflar gumanitar tedbirlerniñ kerekligi ve olması mümkün parametrleri muzakere etilgenini bildirdi.
Ukrayina ve Rusiye arasında soñki büyük esir deñişüvi Orta küzde olıp keçti. Deñişmeniñ bir qısmı olaraq 261 Ukrayin asker esirlikten azat etildi. Koordinasion ştabı, olarnıñ yarısından ziyadesi 2022 senesi, hususan Mariupolni qorçalav vaqtında esir alınğan olğanını bildirdi.