Abdureşit Cepparov Denis Kaşuknıñ davası aqqında (video)

Qırımlı aq qorçalayıcı Abdureşit Cepparovnıñ bildirgenine köre, Kaşuknıñ tuvğanları onıñ imaye strategiyasını şimdilik belgilemedi. «Dekabrniñ 20-nde mahkeme Denis Kaşuknıñ sıñırlav tedbirini belgiledi. Dekabrniñ 17-nde tuvğanları onı tapıp olamadı, ömür arqadaşı politsiyağa muracaat etti, amma o, FSBde edi. Soñra tintüv oldı, Qırımda şimdi olğanı kibi – sert, avtomatlı ve maskalı insanlar, FSB hadimleri er şeyni darma-dağın etti. Eki qız şaat oldı. Söz sırası, Denisniñ evi yoq, qorantası ömür arqadaşınıñ ana-babasınen beraber yaşay, anda qardaşı da yaşay, üç odalı dairede. Şimdi Denis SİZOda, ailesi ne yapacağını bilmey», – dep tarif etti aq qorçalayıcı.