Qırımnıñ Rusiye Yuqarı mahkemesi Rusiye kontrolindeki Aqmescit rayon mahkemesiniñ qararını deñiştirmeyip, qırımlı Osman Abdurazakovnı iyunniñ 23-ne qadar tahqiqat izolâtorında qaldırdı. Bu aqta «Qırım birdemligi» cemaat birleşmesi haber ete.
Qırım Yuqarı mahkemesi bu qararnı aprelniñ 7-nde aldı.
«Er şey beklegen ve tahmin etilgen edi. Bu ay içinde, aynıñ soñuna doğru, statsionar psihiatrik ekspertizasına yollaycaqlar», – dep izaatladı advokat Emine Avamileva.
Tintüv vaqtında Abdurazakovnıñ bütün vesiqaları alındı, Avamilevanıñ fikirince, bu müvekkiliniñ Qırımnı terk etmege imkânı olmaycağını kefil ete. Bundan ğayrı, Abdurazakovnıñ kiçik balası bar. Apiske alınğan soñ daa bir balası doğdı. İmaye mahkeme oturışuvında bunı isbatlağan delillerni kösterdi.
Yanvarniñ 24-nde saba Qırımnıñ şimalinde Canköy rayonında Rusiye uquq qoruyıcıları qırımtatarlarnıñ evlerini tintti: Nemse Canköy (Blijnegorodskoye) köyünde Ekrem Kroş, Timofeyevka köyünde Ayder Asanov ve Refat Seydametov, Çoqraqlı Şeyh Eli köyünde (Dneprovka) Osman Abdurazakov, Canköyde Leman Zekiryayev ve Halil Mambetovnıñ evini.
Ekrem Kroşnıñ ömür arqadaşı Amideniñ «Qırım birdemligi» cemaat teşkilâtına bildirgenine köre, Qırım şimalinde tutulğan qırımtatarlar «terrorizmde» qabaatlana bile. Qırımlı musulmanlarğa mustaqil advokatlar alınmay, dep haber etilgen edi.
Daa soñra belli olğanına köre, yanvarniñ 20-nde saba Canköyde ve Canköy rayonında tutulğanlar terror teşkilâtını teşkil etkeninde ve iştirak etkeninde (Rusiye Ceza kodeksiniñ 205.5) qabaatlandı. Rusiyede yasaqlanğan «Hizb ut-Tahrir» teşkilâtı aqqında aytıla.
Prezidentniñ Qırım Muhtar Cumhuriyetindeki temsilciligi Qırım şimalinde Ukrayına vatandaşlarınıñ tutuluvını takbih etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
