ABDde koronavirus sebebinden ilk ölüm qayd etilgenini tasdıqladılar. Bu aqta NBCnews ve bir sıra diger Amerika kütleviy haber vastası bildire.
Böylece, Birleşken Devletlerde COVID-19 koronavirus hastalığından ilk ölüm qayd etildi.
Cumaertesine qadar ABDde 66 koronavirus hastası qayd etildi, 9 kişi endi tedaviylendi.
ABD prezidenti Donald Trump, koronavirustan can bergen «yüksek tibbiy riskli» qadın 50 yaşından büyük edi, dep bildirdi.
Fevralniñ 29-na qadar dünyada COVID-19 virusınen hastalanğan 85 187 insan qayd etildi, 2924 kişi öldi.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
