Avropa Birliginiñ tış siyaseti yüksek temsilcisi Jozep Borrel, Rusiyeniñ Ukrainağa raketa ücüminden soñ, Rusiye mesüliyetke çekilecegini bildirdi.
''Rusiye yañı yılnı Kıyiv, Harkiv ve diger şeerlerge yüzden ziyade raketa ve dron uçurtıp başladı, olar adiy ealini nişan etip, mesken mallelerni ve yaşayışnı temin etken infraterkipni yoq ettiler. Rusiye öz arbiy cinayetleri içün mesüliyetke çekilecek", - dep yazdı o Х içtimaiy ağında.
Aynı zamanda, Rusiyeniñ nevbetteki ücümlerinden soñ, Ukrayinada ABD elçisi Bricit Brink, "Putinni toqtatmaq içün Ukrayinağa qoltutmaq şimdi pek müim", dep qayd etti.
''Putin 2024 senesini Kıyiv ve memleketke raketalarnen ğcğm etip qarşılay, millionlarnen ukrayinalı ise suvuqtan saqlana. Bugün saba Kıyivde patlavlar oldı. Putinni toqtatmaq içün şimdi Ukrayinağa qoltutmaq pek müim'', - dep ayttı o.
Yanvarniñ 2-nde saba Rusiye ordusı Ukrayinağa ücüm etip, aman-aman yüz raketa endirdi.
Rusiye Federatsiyasınıñ kütleviy ücümi neticesinde eñ azından beş insan elâk oldı, 130 kişi yaralandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
