Pentagon Kıyivge Rusiye tarafından beklengen baar ücüminiñ qarşısını almaq içün Ukrayinağa nevbetteki yardım paketinde "Stryker" zırhlı cenk arabalarını bermege tüşüne. Bunı ''Politico'' neşri eki menbağa atfı etip bildire.
Daa evel ABD 50 ''Bradley'' piyade cenk arabalarnıñ yollanmasını ilân etken edi. Gazetanıñ malümatına köre, ABD prezidentiniñ müdiriyeti "Stryker" zırhlı cenk arabalarınıñ teslim etilmesini kelecek aftanıñ soñunda ilân ete bile.
"Politico"nıñ qayd etkeni kibi, soñki qarar daa alınmağan. Gazetanıñ yazğanına köre, "Stryker" "Bradley" qadar küçlü olmasa da, daa sakindir ve daa çoq asker taşıy bile.
Yanvarniñ 6-nda Beyaz Evniñ matbuat kâtibi ABD Ukrayinağa 3 milliard dollarlıq yañı arbiy yardım paketini bergenini bildirgen edi.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
