ABD ükümeti GEFD programmasında ukrayin esaplarını vaqtınca toqtatmaq qararını çıqarğan soñ, Maxar Technologies şirketi Ukrayinanıñ öz yoldaş resimlerine irişüvini kestirdi. Bu aqta şirketniñ "Nastoyaşçeye vremâ" telekanalınıñ ricasına cevabında qayd etile.
Programma ayrı qullanıcılarğa "Maxar" ABD ükümeti içün çıqarğan ticaret yoldaş resimlerini faydalanma imkânını bere.
«Er bir alıcı alğan malümatnı nasıl qullanmaq ve kimnen paylaşmaq istegenini özü qararlaştıra», — dep, qayd etile şirketniñ cevabında.
Bundan evel "Militarnıy" ukrayin portalı Amerikanıñ Maxar Technologies aerokosmik şirketi Ukrayinanıñ öz yoldaş resimlerine irişüvini keskenini bildirgen edi.
Yaqında, ABD Ukrayinanen istihbarat malümatlarınen almaşuvnı da toqtatqanı belli oldı.
ABD memuriyetiniñ bu qararı matbuatta ABD prezidenti Donald Tramp Ukrayina prezidenti Volodımır Zelenskiy ile Oval ofisinde cemaat ögünde davasından soñ Ukrayinağa arbiy yardımnı toqtatmaqnı emrini bergeni aqqında haberler çıqqan soñ belli oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
