«Havfsızlıq maqsadınen elçihane qapalı olacaq... Elçihane ABD vatandaşlarına ava telükesi ilân etilgende sığınaqqa ketmege azır olmaqnı tevsiye ete», – dep aytıla elçihaneniñ saytında derc etilgen beyanatta.
ABD elçihanesi ola bilecek darbenen bağlı bir de bir tafsilâtlar bermedi.
Al-azırda Rusiye tarafından dronlar atılğanı sebebinden Ukrayinanıñ bazı regionları ava telükesini ilân etti. Kyivde ava telükesi 8:06-da lâğu etildi, eki saattan ziyade devam etti.
Elçihaneniñ haberi Rusiye prezidenti Vladimir Putin noyabrniñ 19-nda Kyivniñ Brânsk yanındaki cenk silâları anbarına ücüm etmek içün Amerika ATACMS raketasınen ücüm etkeni aqqında haberler çıqqan soñ Rusiyeniñ Ukrayinağa qarşı cenkiniñ 1000-inci kününde Rusiyeniñ özek doktrinasını yañartqan soñ peyda oldı.
Yañartılğan doktrinağa köre, özek ücüminiñ sebebi «özekli devletniñ desteginen er bir özeksiz devletniñ Rusiye Federatsiyasına ve onıñ itifaqdaşlarına qarşı istilâsı», em de özeksiz vastalarnen kütleviy ava ücümi, şu cümleden dronlarnen ücüm ola bile.
Pentagon, Rusiyeniñ Ukrayinada özek silâsını qullanmağa azırlanğanına dair iç bir alâmet körmegenini bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
