Ukrayina, ABD ordusına qarşı küreşken Şimaliy Koreya quvetlerine qarşı Amerika silâsınıñ qullanuvı sıñırlanmaycaq. Böyle bir beyanatnı bazarertesi künü Pentagon seslendirdi. ABD Mudafaa nazirliginiñ malümatına köre, Şimaliy Koreyadan tahminen 10 biñ arbiy Rusiye şarqına talimler içün yollanıldı.
"Bu arbiylerniñ bir qısmı endi Ukrayinağa yaqınlaştı, ve Rusiye olarnı Rusiye Federatsiyasınıñ Kursk vilâyetinde ukrayin ordusına qarşı uruşlarda qullanmaq niyetinde olğanından raatsızmız", — dep bildirdi bazarertesi künü Pentagonnıñ resmiy temsilcisi Sabrina Singh.
Onıñ bildirgenine köre, mudafaa naziri Lloyd Ostin ve devlet kâtibi Entoni Blinken bu afta Cenübiy Koreyanıñ mudafaa naziri Kim En Hen ve Tış işler naziri Ço The Elâ qabul etecekler.
NATO baş kâtibi Mark Rütte bazarertesi künü bildirdi ki, Şimaliy Koreya ordusı Rusiyeniñ Kursk vilâyetine avuştırıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
