Ukrayina tarlalarınıñ bereket ile beraber yoq etilüvi Rusiyeniñ "pek yaramay taktikalarından" biridir. Bunı ABD Devlet departamentiniñ resmiy temsilcisi Ned Prays bildirdi.
"Yazıq ki, bu (ateşke tutmalar sebebinden ukrayin tarlalarınıñ yoq etilüvi – QA) yañı bir kerçeklik degil. Bu çatışmanıñ ilk künlerinden itibaren Rusiyeniñ sadece ukrayin halqını qarşı degil, dünya toplulığına da qarşı qullanğan pek yaramay taktikalarından bir edi. Erzaq fiyatlarındaki artmanıñ sadece bölge memleketlerine degil, ondan uzaq memleketlerge de tesik etkenini kördik. Afrikada, Cenübiy Asiyada, Latin Amerikada, dünyanıñ aman bütün bölgelerinde is etile. Bu boğday ve diger tarlalarnıñ yaqılmasıdır, eq etilmesidir. Bu aşlıq anbarınıñ yoq etilmedir. Bu ukrayin çiftçileriniñ taqip etilmesidir... Bu Ukrayinanıñ Qara deñiz limanlarınıñ qapatılmasıdır", - dedi o.
ABD Devlet departamentiniñ temsilcisi, Vaşington BMT baş kâtibiniñ Qara deñizni blokadadan boşatma yollarını tapmaq içün Ukrayina ve Türkiye, Rusiyenen de işbirlik yapmaq ğayretini desteklegenini qayd etti.
"Ahır-soñu çezim sade ola bilir ve olmalıdır. Rusiye blokadanı toqtatmaq kerek. Bu soñki maqsatqa irişmek içün BMT-nıñ ğayretlerini destekleymiz, aynı zamanda Rusiyeniñ istilâsı neticesinde peyda olğan em qısqa, em de uzun müddetli erzaq telükesizligi meselelerini al etmek içün dünyadaki ortaqlarımıznen çalışamız", - dep qoştı Prays.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
