ABD temsilciler palatası, 2022-nci yılda Ukrainağa yardımnıñ arttırılması ve «Şimaliy aqım-2» leyhasına qarşı sanktsiyalarğa tüzetmeler ile Devlet departamentiniñ para berüv aqqında qanun leyhasını tasdıqladı. Bunı Azatlıq.Radiosı Ukrainanıñ ABD-deki elçiligine atfı etip bildire.
«Qanun leyhasına köre, Devlet Departamenti, ABD halqara inkişaf agentligi ve alâqadar programmalar vastası ile Ukrainağa yardım programmalarınıñ ömürge keçirilüvi içün ayırılacaq paranıñ miqdarı 481,5 million dollar, bu aqımdaki senege baqqanda 28,5 million dollar ziyade. Kösterilgen masrafnameden, 125 million dollar Halqara arbiy para berilüvi maddesine binaen Ukrainağa yardım içün telükesizlik maqsadları ile ayırılacaq», – dep yazıla bildirmede.
Qanun leyhasınıñ quvet alması içün onı ABD Senatı qabul etmeli ve ABD prezidenti Jo Biden imzalamalı.
Avgustnıñ 30-nda Ukraina prezidenti Volodmır Zelenskıy Vaşingtonğa ziyaretnen baracaq.
