ABDniñ yüksek rutbeli memurları Kyiv Amerika silâsını alğanına qadar ve arbiyler onı qullanmağa ögrengenine qadar Ukrayınağa qarşı ücümni bekletmege tevsiye ete. Bu aqta Reuters Beyaz saray memuriyetiniñ memurınıñ malümatına esaslanıp haber ete.
ABD qarşı ücümni Ukrayına ile muzakere etip, ukrayınalılar ABD bergen yañı silânı qullanmaq içün vaqıt ayırmalı, dep qayd etti.
Memur gizli qalmağa istegen jurnalistlernen laf etip, ABD Ukrayınağa Abrams tanklarını bermemekte qararlı qala, dep ayttı.
«Amerikalı memurlar ukrayınalılar ögrense ve yañı silâdan faydalansa, ücüm daa muvafaqiyetli olacaq, dep işana», – dep bildire Reuters.
Bundan ğayrı, agentlikniñ malümatına köre, ABD Ukrayına eñ deşetli uruşlar devam etken Bahmutnıñ imayesine degil, daa çoq azırlıqqa diqqat ayırmalı, dep tüşüne. Amerika akimiyeti vekiliniñ fikrini AFP agentligi de aydınlata.
ABD Mudafaa naziri Lloyd Austin yanvarniñ 20-nde «Ramştayn» formatında körüşüvde ABDniñ Ukrayına qarşı ücüm başlatqanına qadar oña qoltutacaq imkânları bar ve «uzun devam etmeycek», dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
