ABD Kongressiniñ Temsilciler palatası ükümetniñ qapatılmasından qaçınmaq içün maliyeleştirme leyhasını tasdıqlağan. Vesiqa İsrail ve Ukrayina içün qoşma yardımnı köz ögünde tutmay.
Spiker Mayk Consonnıñ qanun leyhası eki fırqa tarafından 336 rey ile qabul etken. 93 cumhuriyetçi qarşı çıqqan.
Endi bu vesiqanı cuma künü ABD senatı tasdıqlamalı.
Qanun leyhasında teklif etilgen eki basamaqlı plan müim saalar içün maliyeleştirmeni yanvarniñ 19-nace uzatacaq. Qalğanları fevralniñ 20-nece maliyeleştirilecek.
Beyaz evniñ temsilcisi ABD prezidenti Biden Temsilciler palatası tarafından tasdıqlanğan qanun leyhasını imzalamaq azırdır, dep bildirdi.
"Bu Senat tarafından qabul etilse, prezident qararnı imzalacaq", - dep bildirdi memur.
ABD-nde yañı bücet yılı oktâbrniñ 1-nde başlandı, bu künge qadar qanu çıqarıcılar masraflar aqqında 12 qanun leyhasını tasdıqlamaq ve 2024 senesi içün ükümetni maliyeleştirmek keyerk edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
