Amerika Birleşken Devletleri Rusiye ile cenkinde Ukrayinağa yardımnı toqtatsa, Avropada ekstremizmniñ darqalmasına imkân yarata bile, dep bildirdi yanvarniñ 9-nda Kıyivde Ukrayina prezidenti Volodımır Zelenskıy ile körüşüvden soñ ABD senatorı Angus King.
King ABD-ninñ Ukrayinağa yardımınıñ pek kerek olğanına daa çoq eminlik ile qaytaqanını bildirdi.
Onıñ sözlerine köre, ABD Rusiye prezidenti Vladimir Putin ükümni ğayıp etkenine qadar Ukrayinağa destegeni devam ettirmelidir.
Amerika senatorları Cek Rid ve Angus King yanvarniñ 6-nda, ABD Mudafaa nazirliginiñ yedeklerinden Ukrayinağa bir kerelik 2,85 milliard dollarlıq rekord bir arbiy yardım paketiniñ ilân etilgeni kün Kıyivni ziyaret ettiler.
Umumen, 2022 senesi fevralniñ 24-nde Rusiyeniñ büyük istilâsı başlanğandan berli ABD Ukrayinağa telükesizlik maqsadınen 24,2 dollardan çoq yardım berdi.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
