ABD Türkiye Rusiye Federatsiyasına halqara sanktsiyalarğa oğramamağa yardım etkeni içün oña qarşı tedbir almağa vade ete, dep haber ete The Wall Street Journal menbalarına esaslanıp.
Neşir subetdeşiniñ aytqanına köre, Washington Ankaradan Kremlge qarşı sıñırlavlarğa riayet etmesine irişmege ve Türkiyege qarşı sanktsiyalarğa yol bermemesini körmege istey. Amerika memuriyetiniñ vekilleri bu meselede Türkiye akimiyetinen bağda buluna, dep qayd ete The Wall Street Journal.
Ankara Rusiyeniñ Ukrayınağa qarşı yapqan istilâsı sebebinden kirsetilgen ğarbiy sanktsiyalarnı bozmaycaq, dep bildirgen. Lâkin Türkiye bu sıñırlavlarğa qoşulmadı.
Keçken ay The Washington Post menbaları bildirgenine köre, ABD Bişkekke qarşı basqı yapmağa planlaştıra – Moskvağa hususan Qıtay uçucısızlarını satqanı içün. Qırğızistan akimiyeti bu qabaatlavlarnı red etip, ABD ve Avropa Birligi vekillerine ihracat kontrolinen bağlı mesleat keçimrege teklif etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
