"Şimdi olarnı tüşünemiz. Beş ya da altı şart bar. Biz er şeyni baqacaqmız", — dedi Trump jurnalistlerge.
Tramptan, ABD Kremlniñ añlaşma ile bağlı bütün şartlarına, hususan, banklar ve bazı şirketler içün sanktsiyalarnıñ yımşatılmasına razı olıp olmağanını soradılar.
Saban ayınıñ 23-25-nde Er-Riyada ABD temsilcileri ukrayin eyyetinen tehnikiy seviyede eki taraflı muzakereler keçirdi.
Saban ayınıñ 24-nde ise ABD eyyeti Er-Riyadda Rusiye vekilleri ile muzakereler keçirdi, olar 12 saattan ziyade devam etti.
Bugün Beyaz ev, Ukrayina ile Saudiy Arabistanda Qara deñizde gemilerniñ havfsızlığı aqqında añlaştılar ve energetik obyektlerge ücümlerni yasaq etüv mehanizmini azırladılar, dep bildirdi.
Kreml de muzakerelerniñ neticeleri aqqında beyanatını derc etti, mında, başqa şeylernen beraber, Rusiye Federatsiyası ve ABD 2025 senesi saban ayınıñ 18-nden başlap 30 kün devamında Rusiye ve Ukrayinanıñ energetika obyektlerine ücüm etmekni yasaq etmek mevzusında añlaştılar. Vaşingtonnıñ beyanatında tam bir tarih berilmey.
Bundan da ğayrı, Moskva, Qara deñizde gemilerniñ havfsızlığını temin etüv añlaşması Rusiye Federatsiyasına qarşı bir sıra sanktsiyalarnıñ lâğu etilmesinden soñ quvetini ala, dep bildirdi. Vaşington beyanatında böyle bir şart aqqında aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
