Azatlıq Radiosınıñ yayınında Refat Çubarov hatırlattı ki, Trampnıñ birinci prezidentlik kadentsiyası vaqtında ABD "Qırım beyannamesini" qabul etti, anda yazılğanı kibi, ABD Rusiyeniñ Qırımnı ilhaq etme ıntıluvını takbih ete ve Ukrayina topraq bütünligi ğayrıdan tiklengenine qadar bu siyasetini saqlamaqnı vade ete.
"ABD-niñ evelki siyaseti ile tam zıt olğanlarnı red etem, amma bu kibi yanaşmalar ola bile, dep aytsaq, bu mesele ABD devlet institutları tarafından baqılacaq, ilk evelâ Kongress tarafından ve bu sebepten Amerika prezidenti böyle areketler yapa bile, dep tüşünmeyim. Men bunı tüşünmeyim", — dep ayttı Refat Çubarov.
Evel, Semafor neşri, ABD işğal etilgen Qırımnı Rusiye qısmı olaraq resmiy şekilde tanımaq imkânını baqqanını bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
