Link açıqlığı

Saatnıñ esas haberi

ABD Qırım işğalinden sebep Rusiyege qarşı kirsetilgen sanktsiyalarnı bir yılğa uzattı


Donald Trump
Donald Trump

ABD prezidenti Donald Trump Rusiyege qarşı Ukrainada yapqan areketleri, hususan Qırım işğali ve Donbastaki vaziyetten sebep kirsetilgen sanktsiyalarnı bir yılğa uzattı. Bu aqta martnıñ 4-nde Beyaz saraynıñ resmiy haberinde aytıla. Vesiqa Kongresske yollanıldı ve ABD ükümetiniñ vesiqaları toplanğan Federal cedvelde derc etildi.

«Ukrainada demokratik esnas ve institutlarnı bozğan şahıslarnıñ areketleri ve siyaseti memleketteki barışıq, onıñ istiqrarı, devlet sıñırları ve topraq bütünligi içün telükeli ola, onıñ aktivlerini qanunsız elde etüvge yardım ete, em de Rusiye Federatsiyasınıñ areketleri, şu cümleden Qırım ilhaqı ve Ukrainada küç qullanuvı ABD milliy telükesizligi içün yüksek telüke taşımaqta. Şu sebepten men 13660 buyruğı ile ilân etilgen fevqulâde vaziyet sanktsiyalarınıñ rejimini bir yılğa uzatam», – dep aytıla ABD prezidentiniñ imzalağan vesiqasında.

Aydınlatılğan vesiqalarğa köre, laf 2018 senesi sentâbrniñ 20-nde şimdiki memuriyet ve sabıq prezident Barak Obamanıñ memuriyeti 2014 senesi martnıñ 6, 16, 20-nde ve dekabrniñ 19-nda kirsetken sıñırlav tedbirleriniñ uzatılması aqqında kete.

Sanktsiyalar Rusiye vatandaşlarına, şu cümleden memurlarğa ve Ukrainanıñ sabıq prezidenti Viktor Yanukoviçniñ ükümetinde çalışqan insanlarğa tesir ete. Bundan ğayrı, bu tedbirler rusiyeli iş adamları, bir qaç şirket ve «DNR» ve «LNR» reberlerine qarşı alınacaq.

XS
SM
MD
LG