Link açıqlığı

Saatnıñ esas haberi

ABD prokuraturası rusiyeli Butinanı 18 ayğa apiske almağa rica ete


Mariya Butina
Mariya Butina

ABD prokuraturası Rusiye vatandaşı Mariya Butinanı 18 ayğa azatlıqtan marum etmege rica ete. Bu aqta CNN Amerika telekanalı mahkeme vesiqalarına esaslanıp bildire, dep haber ete Azatlıq Radiosı.

Butina ABDde çetel agenti olıp çalışqanında qabaatlana. Prokuraturanıñ malümatına köre, rusiyeliniñ areketleri büyük shemanıñ bir parçası ola bile. Onıñ maqsadı ise – Rusiye menfaatlarında qullanıla bilgen malümatnı aluv, munasebetlerni quruv ve bağ kanallarını şekillendirüvdir.

Prokuratura organlarınıñ fikirince, Mariya Butina «ananeviy» casus ya da mahsus azırlanılğan istihbarat zabiti degil edi. Prokurorlarnıñ fikirince, rusiyeli «irişim agenti» edi, onıñ yardımı ile çetel ükümeti cumhuriyet teşkilâtları üzerinden bağ kanallarını qurmağa tırıştı.

Doquz aydan berli apiste bulunğan Mariya Butina mahkemege muracaat etip, onı azat emtege ve Rusiyege evge yibermege rica ete, dep bildire CNN. Butinanıñ advokatları qayd etkenine köre, o, tahqiqatnen işbirligi yapa.

Üküm çıqarılması aprelniñ 26-na planlaştırıla.

XS
SM
MD
LG