Rusiye ZAES-niñ ya da onıñ üzerindeki nezaretniñ Ukrayinağa ya da başqa bir memleketke berilmesi imkânsızdır olğanını bildire, dep aytıla Rusiye Tış işler nazirliginiñ salı künü tış işler nazirliginiñ saytında derc etilgen beyanatında.
"Stantsiyanıñ Rusiye atom sanayısına keri qaytması, halqara toplulıq qabul etmek kerek olğan çoqtan olğan bir kerçektir. ZAES-niñ ya da onıñ üzerindeki nezaretniñ Ukrayinağa ya da başqa bir memleketke berilmesi imkânsızdır", —dep bildirdi Rusiye Tış işler nazirligi.
Moskvanıñ fikrince, "ZAES-nı bir başqa bir devletnen beraber qullanılması da mümkün degil".
"Bu vaziyette, misal içün, özek ve fizikiy özek telükesizligini kerekli derecede temin etmek ve özek zararları içün vatandaş mesüliyetini çezmek mümkün degil. Muim bir tarafı şunda ki, NATO memleketleriniñ Ukrayina ile istihbaratı arasındaki sıqı işbirligi, bu devletlerniñ vekilleriniñ ZAES-ke vaqtınca kirmesini bile imkânsız ete", — dep bildire RF Tış işler nazirligi.
Saban ayınıñ 19-nda Vaşingtonda, ABD prezidenti Donald Tramp ukrayin zenaatdaşı Volodımır Zelenskıy ile subetinde Ukrayinanıñ atom elektrik stantsiyaları meselelerini muzakere etkenini bildirdiler. Daa soñra ABD-de, söz ZAES aqqında ketkenini añlattılar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
