ABD-niñ bir sıra keçmiş milliy telükesizlik hadimleri ABD lideri Jo Bidenni Ukrainağa keñiş mıqyaslı istilâsı olğan taqdirde Rusiyege qarşı ola bilgen sanktsiyalarnıñ cedvelini yayınlamağa çağırdı, dep haber ete Associated Press.
Arizanı imzalağanlar arasında - ABD-niñ Rusiyedeki sabıq elçileri Maykl Makfol ve Aleksandr Verşbou ve bir qaç Kyivgeki elçiler.
Vesiqa müellifleriniñ fikrince, ola bilgen iqtisadiy sanktsiyalarnıñ tafsilâtlarınıñ açıqlanması Moskvanıñ kerginleşme qararına kelmezden evel Kremlniñ qararına tesir etecek.
Cumaaqşamı, dekabrniñ 30-nda, aqşam Rusiye ve ABD prezidenti Vladimir Putin ve Joe Biden telefonda laf ettiler. Eki prezidentniñ telefon subeti 50 daqqa devam etti.Subet Ukraina etrafındaki vaziyetniñ kerginleşmesinen bağlı edi.
Küzde kütleviy haber vastaları istihbaratnıñ malümatına esaslanıp, Ukraina sıñırında Rusiye ordusı toplana, dep bildirdi. ABD ve Ğarp memleketleri Moskva silâlı ücüm azırlay, dep tahmin etti. Kreml bu laflarnı inkâr etip, ABD ve NATOdan telükesizlik kefaletlerini talap etti – hususan, NATOnı şarqqa kenişletmemek ve eski sovet cumhuriyetlerini arbiy ittifaqnıñ yañı azaları sırasına almamaq.
