ABD Ukrainıñ suverenitetini ve topraq bütünligini destekley ve ileride de telükesizligini qorumaq içün elinden kelgenini yapacaq. Bunı oktâbrniñ 19-nda Kyivde ABD Mudafaa naziri Lloyd Östin ukrain zenaatdaşı ile ortaq brifing vaqtında bildirdi, dep haber ete Azatlıq Radiosı.
"Rusiye bu cenkni başladı. Ve o barışıq yolunda manialar yapa. Biz ise Ukrainanı desteklemek ve onıñ telükesizligini qorçalamaq içün elimizden kelgenini yapamız", - dedi Östin.
"ABD ileride de mustaqilligimizni destekleycegini ve Rusiyeni tecavuznıñ tarqlması ögünde toqtatacağını bekleymiz", - dedi Ukraina Mudafaa naziri Andriy Taran.
Kyivde Lloyd Östin Ukraina Mudafaa nizrligini ziyaret etti, ukrain zenaatdaşı Andriy Taran ile körüşti ve Ukrainada islâatlarnıñ ömürge keçirilüvini muzakere etti.
Ldoyd Östin Ukrainağa ABD-niñ deñişmegen destegini bildirmek içün kelgen.
