Kongressteki Ukrayinanı desteklegen Eki fırqalı kokus Kıyivge istihbarat yardımı ve "Starlink" yoldaşlarınıñ çalışması ile bağlı sıñırlavlar aqqında yaqında çıqqan haberlerni izaatladı.
"ABD istihbaratınıñ yardımı ve "Starlink" sistemasına irişim sıñırlanğanı aqqında Ukrayinadan kelgen haberler bizni raatsızlay. Çünki Ukrayinadaki siviller ve ABD vatandaşlarını Rusiye ücümlerine qarşı zararlı alda qala", — dep qayd etile gruppanıñ beyanatında.
Kokus qayd ete ki, Kongress Rusiyeniñ ücümlerinden insanlarnı qorçalamaq içün ABD-nıñ istihbarat yardımınen temin etmek kerekligini defalarca qayd etti. Gruppa azaları daa qayd ettiler ki, Vaşingtonnıñ ittifaqdaşları Ukrayinanıñ "Starlink" sistemasına kirmesi içün para töleyler.
"Sivillerni havf astına atqan sıñırlavlar qabul etilmez; Kongress böyle areketlerge razı olmaycaq", — dep qoştılar kongressmenler.
Bundan evel Azatlıq Radiosınıñ menbaları Ukrayina Mudafaa nazirligi "Starlink" işiniñ sıñırlavları boyunca ABD, SpaceX ve NATO-daki ortaqlarınen alâqada olğanını bildirgen edi