ABD prezidenti Donald Trump İranğa qarşı kirsetilecek yañı iqtisadiy sanktsiyalar kirsetilecek, dep ilân etti.
«İran, areket tarzını deñiştirgenine qadar yañı iqtisadiy sanktsiyalar devam etecek», – dep ayttı Trump.
Yanvarniñ 8-nde yapqan çıqışında İrannıñ Iraqtaki ABD bazalarına endirgen darbeleri neticesinde amerikalılar zarar körmedi, dep bildirdi. Onıñ aytqanına köre, bazalar «pek az zarar kördi», dep bildire Azatlıq Radiosı.
Onıñ işandırğanına köre, İran iç bir vaqıt nükleer silâsınıñ saibi olamaz.
ABD prezidenti NATOğa muracaat etip, «Yaqın Şarq esnasında» daa çoq iştirak etmesini istemege planlaştıra.
Yanvarniñ 8-ne keçer gecesi İran Iraqnıñ ğarbi ve şimalinde ABDniñ eki bazasına darbe endirdi.
Trump, İran generalı, İslâm inqilâbı Qaravul korpusınıñ «Kuds» mahsus tedbirleri quvetleriniñ komandanı 62 yaşında Kasem Suleymani öldürilgen ava darbesini tasdıqlağan edi. «Kuds» (Qaravul korpusı kibi) ABDde terror teşkilâtı olaraq tanıla.
