Rusiye quvetçileri qırımtatarlarnıñ evlerini tinte (video)

Qırımnıñ İçki, Seyitler rayonlarında ve Sudaq şeerinde Rusiye quvetçileri qırımtatarlarnıñ evlerinde tintüv keçire. Bu aqta «Qırım birdemligi» cemaat birleşmesi haber ete. İçki rayonında (İçki qasabası, Zolotovo soq.) Enver Topçiniñ evinde, Sudaqta (Çalaş Smail soq.) faal Ridvan Umerovnıñ evinde tintüv keçirile. Seyitler rayonında «Qırım birdemliginiñ» jurnalisti, «Grani.ru» mühbiri Ayder Kadırovnıñ evinde tintüv keçirilgen soñ Rusiye quvetçileri er adamını Aqmescitteki FSB idaresine alıp ketti. Faaller Qozda (Solneçnaya Dolina, Sudaq) daa bir tintüv olğanını bildirdi – Ayder Ablâkimovnıñ evinde. Berilgen malümatqa köre, onıñ küçük balası bar ve o, Fevqulâde vaziyetler nazirliginiñ hadimi ola. Rusiye quvetçileri vaziyetni açıq sürette izaatlamay. (Video: Qırım birdemligi)