Link açıqlığı

Saatnıñ esas haberi

ABD BM elçisi bazı NATO memleketleri Ukrainağa ordusını yollay bile, dep bildirdi


Linda Thomas-Greenfield
Linda Thomas-Greenfield

ABD Ukrainağa arbiylerini yollamaycaq, amma diger memleketler böyle qarar ala bile. Bu aqta ABD BM elçisi Linda Thomas-Greenfield CNN Amerika telekanalına bergen intervyüsında ayttı.

ABD prezidenti Joseph Bidenniñ Amerika ordusınıñ Ukrainağa yollanmasına yol bermemekte Amerika arbiyleri olmaycaq NATO ordusı, NATO barıştırıcı missiyaları da barmı sualine elçi böyle cevap berdi:

«Bu NATO konferentsiyasında alınacaq qararlarnı, NATO Poloniyanıñ teklifine (martnıñ 24-nde keçirilecek NATO sammiti ve Poloniyanıñ Ukrainağa barıştırıcılarnı yollamaq teklifi aqqında aytıla – muar.) nasıl cevap berir tahmin etip olamayım. Men Amerika ordusı şimdilik Ukrainada olmaycaq, dep ayta bilem. Prezident bunı açıq ayttı, diger NATO memleketleri Ukrainağa askerlerini yollay bile. Bu olarnıñ qararı».

ABD prezidenti Joseph Biden ABD Rusiye ile cenkleşmesin dep, Ukrainağa Amerika ordusını yollamaycaq, dep çoq ayttı.

Martnıñ 18-nde Poloniya baş naziri Mateusz Morawiecki Poloniya NATO sammitinde Ukrainada barıştırıcı missiyanı yapmağa resmiy şekilde teklif etecek, dep bildirdi.

NATO Baş kâtibi Jens Stoltenberg bildirgenine köre, acele NATO sammiti martnıñ 24-nde ötkerilecek. Anda Rusiyeniñ Ukrainağa qarşı ücümi muzakere etilecek.

Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.

Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.

Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.

Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://ddqp4xjpo7z2y.cloudfront.net/: . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG