«İstanbul protokol añlaşması» Rusiye ve Ukrayina arasında barışıq añlaşmasınıñ örnegi ola bile, dep bildirdi ABD prezidentiniñ Yaqın Şarq meseleleri mahsus elçisi Steven Witkoff CNN yayınında.
«Bir şey imzalamaq içün pek-pek yaqınlaştıq», – dep işandırdı Witkoff.
Onıñ qayd etkenine köre, er bir barışıq añlaşmasında «eki taraf da uzlaşuvğa razı olacaq, topraq ya da iqtisadiyat».
«Eki tarafnıñ da uzlaşuvlarını köreceksiñiz. Prezident (ABD prezidenti Donald Trump – QA) er şeyden yahşı yapqan iş. O, insanlarnı birleştire. Barışıq yolu – uzlaşuv ve fikir birligine irişüv olğanını añlata. Mında pek muvafaqiyetli netice körersiñiz, dep tüşünem», – dedi o.
ABD Mudafaa naziri Peter Hegseth fevralniñ 12-nde cenk tekrar başlamasın dep, Ukrayina içün turğun barışıq telükesizlik kefaletlerinden ibaret olmalı, dep ayttı. Onıñ bildirgenine köre, ABD Ukrayinanıñ NATO azalığı «kelecek muzakerelerniñ kerçek neticesi olğanına» inanmay.
NATO Baş kâtibi Mark Rutte jurnalistlerniñ ABD Ukrayinanıñ muzakere yerini zayıflatmadımı sualine Ukrayinanıñ NATO azalığı ve topraqlarnıñ qaytarıluvı kelecek barışıq añlaşmasında olamaz dep, ABD ve AB Ukrayinada turğun bir barışıq olmasını isteyler, dep işandırdı.
Ukrayina prezidenti Volodımır Zelenskıy Hegsethniñ Ukrayinanıñ NATO azalığı beyanatını izaatladı. O, Ukrayinanıñ NATOğa qoşuluvı – telükesizlik kefaletleri ve «er kes içün eñ ucuz variant ola», dep ayttı, amma ABD, Almaniya ve Macaristan onı şimdilik ittifaqta körmeyler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
