Avropa Birligi Rusiyege qarşı iqtisadiy sanktsiyalarnı uzattı, dep haber ete «Nastoyaşçeye vremâ» Avropa şurasınıñ reisi Charles Michellniñ malümatına esaslanıp.
«AB memleketleriniñ liderleri bir ağızdan Rusiyege qarşı iqtisadiy sanktsiyalarnı uzatmağa razı oldı», – dep yazdı o, Twitterde.
Charles Michel, AB liderleri Rusiyeni «añlaşmanıñ öz qısmını yerine ketirmesine ve Minsk añlaşmalarını kerçekleştirmesine» çağıra. Onıñ aytqanına köre, «Rusiye Ukrainağa qarşı arbiy areketler yapsa, onı büyük aqibetler bekley ve bu paalığa çıqacaq».
AB memleketleriniñ liderleri Rusiyeniñ Ukrainağa qarşı arbiy ücüminiñ Moskvağa qarşı sanktsiyalar da olğan bir sıra qarşı tedbiri olacaq.
«Ukrainağa qarşı er angi arbiy istilânıñ pek büyük neticeleri ve paalı aqibetleri, hususan ortaqlarnen keliştirilgen sıñırlav tedbirleri olacaq», – dep qayd etti teşkilât.
AB memleketleriniñ liderleri Beyazrusiyege qarşı sanktsiyalarnı tez yerine ketirmek müim olğanını ve, kerek olsa, yañı sıñırlav tedbirlerini qabul etmege azır olğanını bildirdi.
Avropa şurası Minskni «bütün siyasiy mabüslerni acele ve şartsız bir şekilde azat etmesine ve vatandaş cemiyeti ve mustaqil kütleviy haber vastalarına qarşı repressiyalarnı toqtatmasına» çağırdı. Sammit iştirakçileri Beyazrusiye halqınıñ «yañı, açıq ve adaletli saylavlarda prezidentini saylamaq demokratik aqqı» aqqı aqqında bildirdi.
