Ukraina TİN-de AB Şurasınıñ Qırımnıñ işğali sebebinden qoyulğan sanktsiyalarnıñ keñleştirilmesini alğışladılar. Nazirlikte, AB-niñ Rusiyege qarşı sanktsiyalar siyaseti Qırım işğalden azat etilmegece devam etecegine eminler.
Bunıñ aqqında Ukraina TİN-niñ muvafıq beyanatında yazıla.
"Qararda(AB Şurasınıñ) kösterilgen sanktsiyalar altında olğan şahıslar, muvaqqat işğal etilgen Ukraina yarımadasında qırımtatarlarnıñ taqip etilmesine ve halqara gumanitar uquq qaideleriniñ diger qaba bozulması ile alâqadardır. AB insan aqlarınıñ mudafaası ile bağlı fikriniñ printsipialligini ve Qırımnıñ RF tarafından ilhaq etilmesiniñ tanılmaması siyasetiniñ daa da ömürge keçirilmesine sadıqlığını kösterdi", – dep yazıla beyanatta.
Tış işler nazirliginde qayd etkenleri kibi, oktâbrniñ 12-nde Kyivde keçirilecek 23-nci Ukraina-AB sammiti arfesinde AB Şurasınıñ yañı sanktsiyalarınıñ qobluvı "Avropa Birliginiñ Ukrainağa desteginiñ daa bir isbatıdır".
Oktâbrniñ 11-nde AB-niñ resmiy mecmuasında 8 rusiyeli adliyeciniñ sanktsiyalar cedveline kirsetilmesi aqqında qarar yayınlandı.
