Avropa Birliginde Ukrainanıñ Missiyası qırımtatar haqlınıñ küreşi aqqında "Qırımtatar resurs merkezi"niñ filmini derc etti.
"İyün 26-sında Ukraina Qırımtatar halqınıñ bayraq kününi qayd etecek. Qırımtatarlar - Qırımnıñ tamır halqı aqqında filmni baqmağa davet etemiz. Qırım alâ daa işğal altında olğance, qırımtatarlar ve rusiye işğalci rejimine qarşı çıqqan başqa adamlar daima taqibat, basqı ve siyasiy sebepli tutuluv telükesi altında buluna", - denile AB-nde Ukraina Missiyasınıñ beyanatında.
20 daqqalıq filmde Qırımda qırımtatarlarğa qarşı yapılğan basqının qısqa tarihçesi kösterildi: Rusiyeniñ yarımadanıñ ilk ilhaqından başlap bugüngece.
Er yıl iyünniñ 26-nda qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci Qırımtatar Milliy Qurultayınıñ birinci künü saylânğan edi.
Qırımtatar bayrağı üzerinde altın tamğa tasvir etilgen kök renkli bir bayraqtır. Tantanalı tedbirler em Qırımda, em esas Ukrainada, em çetele ötkerile.
