Avropa Birliginiñ İnsan aqları üzre mahsus temsilcisi Eymon Gilmor, Ukrayinada arbiy cinayetler içün suslular cezalandırılmalı, dep qayd ete. Bunıñ aqqında AB-niñ Ukrayinadakui temsilciliginiñ Twitter saifesinde yazıla.
"Bugün Buça ve İrpinde Rusiyeniñ basqıncı cenki qurbanlarınıñ kütleviy mezarlarını kördim, yerli papaz ile laf ettim, bombalanğan ticaret merkezini ziyaret ettim. Arbiy cinayetler ve olarnı yapqanlar mesüliyetke çekilmeli", - dedi Gilmor.
Milliy poliste qayd etkenleri kibi, Gilmor berbat etilgen İrpin polis bölügini, Romanov kömrüni ve RF ordusı tarafından bozuq şeerniñ vatandaş infraterkibiniñ obyektlerini ve Buçadaki arqadaş mezarlığını ziyaret etken.
Gilmornıñ ziyareti daa bir qaç kün devam etecek.
Ukrayina Rusiyeni BMT-nıñ Halqara mahkemesi, Halqara ceza mahkemesi ve Avropa insan aqları mahkemesi vastasınen qanuniy şekilde cezalandırmağa çağıra.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
