Link açıqlığı

AB esapları qapatılğan ukrain memurlarnıñ cedvelini aydınlattı


AB esapları qapatılğan ve AB-ne kiriş yasaq olğan 4 insannıñ adlarını ilân etti.

Olarnıñ adları bugün AB resmiy mecmuasında aşkâr olundı, dep haber ete Radio Svoboda.

Bular – Ukraina sabıq baş nazir muavini Sergiy Arbuzov, halq deputatı Yuriy İvanyuşçenko, kelir ve bergi nazirliginiñ sabıq başı Оleksandr Klimenko ve yaqarlıq ve energetika nazirliginiñ sabıq başı Eduard Stavitskiy.

Böyleliknen, tünevinki toplaşuvda qabul olunğan AB Şurasınıñ qararı amelge keçirildi. Oña köre, Ukraina devlet paralarnıñ hırsızlığında qabaatlanğan insanlarnıñ cedveli 22 insanğa yetti.
XS
SM
MD
LG