Avropa Birligi iyünniñ 29-nda Rusiyege qarşı sanktsiyalarnı 2021 senesi yanvarniñ 31-ne qadar uzatmağa qarar berdi, çünki Minsk añlaşmalarınıñ «tolu yerine ketirilmesi» yoq, Donbastaki uruşlar ise toqtamadı. Bu aqta Azatlıq Radiosı bildirdi.
Sanktsiyalar ilk sefer 2014 senesi iyül ayında Donetsk ve Lugansk vilâyetlerinde Rusiye tarafından aydutlarğa yardım kösterilgeni içün kirsetilgen edi. O vaqıttan berli esasen Rusiyeniñ maliye, energetika ve mudafaa saalarına zarar ketirgen sanktsiyalar er altı ayda devam ettirile.
BM malümatına köre, 2014 senesiniñ mart ayından berli 2019 senesiniñ oktâbrniñ 31-ne qadar Donbasta silâlı zıddiyet neticesinde 13 000-den 13 200-ge qadar insan elâk oldı.
