Kyivde çarşenbe künü, avgustnıñ 5-nde, yarımadanıñ tarihı ve medeniyetine bağışlanğan «Belli olmağan Qırım seyaatı» sergisiniñ açılışı planlaştırıla.
«Belli olmağan Qırım seyaatı» sergisi az bilingen qırımtatar medeniyetiniñ erbapları, «rus ve sovet» olaraq tanılğan tatar şeerleri ve köyleri, qırımtatar sanatı aqqında tarif ete», – dep bildire teşkilâtçılar Facebookta.
Açılışta sergi müellifleri, Ukraina Milliy hatıra institutı, Qırımtatar Milliy Meclisi, Ukraina medeniyet ve informatsion siyaseti nazirligi, Ukrainanıñ vaqtınca işğal etilgen topraqlarnıñ reintegratsiya meseleleri nazirliginiñ vekilleri olacaq.
Sergi Kontraktova meydanındaki №3 skverinde olacaq.
