Qırımtatar asıllı ukrainalı küreşçi Lenur Temirov Olimpiadanıñ yunan-roma küreşinde (60 kiloğa qadar) ğalebe qazanamayıp, tunç medal alamadı. Avgustnıñ 2-nde qıtaylı sportçı Saylike Vaylihan ğalip çıqtı.
Uruş neticeleri Olimpiada oyunlarınıñ saytında derc etildi.
Daa evel Temirov yarım finalda yapon küreşçisi Kenyitiro Fumitağa 1:5 esabınen yutturdı. Bundan evel ukrainalı sportçı Tokioda eki ğalebe qazandı.
Tokiodaki Olimpiada oyunları avgustnıñ 8-ne qadar devam etecek. Ukraina cıyma taqımı 6 medal qazandı.
2020 senesi Lenur Temirov Romada keçirilgen Avropa yunan-roma küreşi çempionatınıñ tunç ğalibi oldı.
