45 yaşında erkek Ukrayına Mudafaa nazirliginiñ Baş istihbarat idaresiniñ vazifesinen «mahsus arbiy operatsiya alanı yönelişinde arbiy tehnika areketini foto ve videoğa çıqarıp», bağ kanallarından reberine malümat berdi.
Rusiye Federatsiyası Ceza kodeksiniñ 275-inci maddesine («casuslıq şeklinde devlet hainliği») cinaiy dava açıldı, erkek ömür boyu apis cezasını ala bile. Şimdi apiste buluna.
Rusiye uquq qoruyıcıları Aqyarda «devlet hainliği» şübhesinen erkek tutuldı.
Qırım ve Aqyarda 2014 senesinden başlap eñ az 16 Ukrayına vatandaşı «casuslıq» ve «diversiyalarda» qabaatlanıp mahküm etildi.
2015 senesi terakt azırlanuvını teşkil etüv qabaatı boyunca Ruiye mahkemesi Oleg Sentsovnı 20 yılğa üküm etti. Rusiye uquq qoruyıcıları «Hizb ut-Tahrir» teşkilâtınıñ vekillerini böyle «diversiyalarda» qabaatlağan ediler. Rusiyeniñ Ukrayınağa qarşı büyük istilâsından soñ yarımadada cenkke qarşı çıqqanlar taqip etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
