Rusiye akimiyeti Geniçeskni işğal etilgen Herson vilâyetiniñ «memuriy paytahtı» olaraq ilân etti, dep bildirdi «RİA Novosti» Rusiye haber agentligine işğalci memuriyetniñ vekili Aleksandr Fomin.
«Bugün Herson vilâyetiniñ vaqtınca paytahtı Geniçesk ola. Esas akimiyet organları anda bar», – dedi o.
Kurort ve liman şeeri Geniçesk Herson vilâyetiniñ cenübinde Azaq deñizi yalısında buluna, Hersondan 200 km mesafede.
Rusiye ordusı şeerni fevralniñ 24-nde işğal etti - Ukrayınağa qarşı istilânıñ ilk künü.
Noyabrniñ 11-nde Ukrayına istihbaratı Herson Ukrayına kontroline qayta, şeerge Ukrayına silâlı quvetleri kire. Ukrayına prezidenti Volodımır Zelenskiy sağ tarafta qalğan Rusiye arbiylerini Ukrayınağa esirlikke teslim olmağa çağırdı.
Frenkistan prezidenti Emmanuel Makron Ukrayına vatandaşlarını Ukrayına silâlı quvetlerini Herson yönelişindeki muvafaqiyetini tebrikledi.
Hersonda uruşlar aqqında aytılmay.
Rusiye Mudafaa nazirligi Rusiye arbiyleri Dnipronıñ sağ tarafından noyabrniñ 11-nde saba çıqarıldı, dep bildirdi. Rusiye gruppirovkasını idare etken komandan Sergey Surovikin bir qaç kün evelsi sağ tarafqa çekilecekler, dep ilân etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
