İşğal etilgen Qırımda ve işğal altındaki diger Ukrayına topraqlarında hırsızlanğan insanlarnıñ sayısı bayağı arta bile. Bu aqta «KrımSOS» aq qorçalayıcı teşkilâtınıñ idare yolbaşçısı Oleksiy Tılnenko Helsingør Dagblad dan neşçirine bildirdi.
«Fevralniñ 24-nde başlağan büyük istilâdan soñ işğal etilgen Ukrayınanıñ cenübinde de insanlar hırsızlanıp başlandı ve olarnıñ sayısı arta», – dedi Tılnenko.
Noman Çelebicihan batalyonı davası boyunca apiske alınğan 10 insandan eñ az 7-siniñ hırsızlav alâmetleri bar, dep qayd ete aq qorçalayıcılar.
Bundan ğayrı, işğal etilgen Qırımda vatandaş jurnalisti İrına Danılovıçnıñ da hırsızlanuv alâmetleri bar. Jurnalist 2022 senesi aprelniñ 29-nda Koktebelden Kefege ketkende tutuldı ve 12 kün devamında alı ve bulunğan yeri aqqında bir malümat berilmedi.
«Bazı vaqıtları qorantalarğa yañlış malümat berile. Meselâ, ğayıp olğanlar bir de bir apishanede yata, dep aytalar», – dep tarif etti Tılnenko.
Onıñ qayd etkenine köre, rusiyeliler hırsızlanğanlarnıñ bulunğan yerini sıq-sıq gizley, neticede insanlar Rusiye apishanelerinde ve SİZOlarında tapıla.
2014-2020 seneleri «KrımSOS» Qırımda 44 insan hırsızlanğanını qayd etti, 15-iniñ bulunğan yeri alâ daa belli degil.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
