Link açıqlığı

Saatnıñ esas haberi

Canköy rayonında patlavlar neticesinde 9 çoq qatlı bina ve 70-ten çoq mustaqil ev zarar kördi – Rusiye Fevqulâde vaziyetler nazirligi


Canköy rayonında patlavlar, 2022 senesi avgustnıñ 16-sı
Canköy rayonında patlavlar, 2022 senesi avgustnıñ 16-sı

Qırımnıñ Canköy rayonındaki silâ anbarlarında olğan patlavlar neticesinde doquz çoq qatlı bina ve tahminen 70 mustaqil ev zarar kördi. Bu aqta Qırımdaki Rusiye Fevqulâde vaziyetler nazirliginiñ idare yolbaşçısı Sergey Sadakliyev bildirdi.

«Elimizde olğan malümatqa köre, doquz çoq qatlı ev ve tahminen 70 mustaqil ev zarar kördi. Malümat teşkerile. Mayın çıqaruv işleri ve tahqiqat areketleri keçirilgen soñ işke başlaycaqlar», – dep bildire Sadakliyevniñ aytqanlarını «Krıminform» neşiri.

Mustaqil menbalarda bu malümatnı tasdıqlamaq şimdilik imkânsız.

Avgustnıñ 16-nda saba işğal etilgen Qırımnıñ Canköy rayonında patlavlar oldı. Silâ anbarları, transformator alt stantsiyasında patlavlar ve demir yolnıñ zarar körgeni aqqında haber etildi.

Rusiye akimiyeti Canköy rayonınıñ Qalay köyünden 3 biñden çoq sakin tahliye etildi, dep bildirdi.

Daa evel berilgen malümatqa köre, Rusiye Mudafaa nazirligi Qırımnıñ şimalinde olğanlarnı «diversiya» dep adlandırdı. Qırımda cinaiy iş açıldı. Şübheli ya da tutulğanlar aqqında malümat berilmey.

Qırımnıñ Rusiye yolbaşçısınıñ mesleatçısı Oleg Krüçkov Qırımdaki patlavlarnı «terakt» dep adlandırdı.

The New York Times neşri yüksek rutbeli Ukrayına memurına atfı etip, işğal etilgen Qırımnıñ Canköy civarındaki patlavlarğa «elit ukrayin bölüginiñ» alâqası bar, dep bildirdi. Neşirniñ qayd etkenine köre, memur adı gizli olğanını istegen.

Avgustnıñ 9-nda Saq rayonınıñ Novofedirivka qasabasınıñ arbiy uçaq alanında patlavlar oldı. Rusiye akimiyeti «yaqın evlerden» tahminen 30 kişi tahliye etildi, dep bildirdi. 60-tan çoq mesken ev zarar kördi.

Rusiye Mudafaa nazirligi Novofedirivkada (Saq) arbiy uçaq alanında olğan patlavlarnıñ sebebi «bir qaç aviatsiya silâsınıñ detonatsiyası» oldı, dep bildire. «İnterfaks» Rusiye neşiri Rusiye Federatsiyasınıñ Mudafaa nazirligindeki menbasına esaslanıp haber etkenine köre, müessise patlavlarnıñ esas sebebi olaraq «yanğın telükesizligi qaideleriniñ bozuluvını» saya.

Ukrayına akimiyeti ve arbiyleri Rusiye işğal etken Qırımdaki patlavlardan mesüliyetini tanımadı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG