Rusiye ordusı işğal etilgen Melitopolde patlav oldı. Bu aqta şeer yolbaşçısı İvan Fedorov avgustnıñ 17-nde bildirdi.
«Topraq işğalcilerniñ ayaqları altında yanacaq – bunı Ukrayına cenübinde Ukrayına Silâlı quvetlerinden askerlerimiz er kün isbatlay. Melitopolniñ merkezinde duşmannıñ merkezinde küçlü bir patlav oldı. Mında, hatırlatam, işğalcilerniñ komendaturalarından biri buluna», – dep yazdı şeer yolbaşçısı Telegramda.
Fedorovnıñ aytqanına köre, o, Rusiye ordusınıñ zararları aqqında tafsilâtlar bekley.
Şimdilik bu malümatnı teşkermege imkân yoq.
Bu künleri Fedorov Melitopol yaqınlarında demiryol köpürniñ patlatıluvı aqqında bildirdi.
Melitopol fevralniñ 25-nden berli Rusiye ordusınıñ kontroli altında buluna. Mayısnıñ başında şeer yolbaşçısı İvan Fedorov işğal altındaki şeerden sakinlerniñ 60%-dan çoq ketti, qalğanlarnıñ esas problemleri azıq mallarınıñ qıtlığı ve işsizlik oldı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
