Link açıqlığı

Saatnıñ esas haberi

Ukrayına prezidenti Qırımnı işğalden qurtaruv meseleleri mesleat şurasını quruv buyruğını imzaladı


Ukrayına prezidenti Volodımır Zelenskıy «Vaqtınca işğal altında olğan Qırım Muhtar Cumhuriyeti ve Aqyarnı işğalden qurtaruv ve reintegratsiya meseleleri mesleat şurasını» quruv fermanını imzaladı. Vesiqa Ukrayına prezidentiniñ ofis saytında derc etildi.

Derc etilgen buyruqnıñ metnine köre, Mesleat şurasınıñ esas vazifeleri bular:

İşğal etilgen Qırım Muhtar Cumhuriyeti ve Aqyarnı işğalden qurtaruv ve reintegratsiya meselelerinen bağlı Ukrayına qanunlarını eyiliştirüv tekliflerini azırlav;

«Qırım platforması» faaliyetiniñ esas yönelişlerinde Ukrayınanıñ fikrini şekillendirüvde iştirak etüv;

Ukrayına vatandaşlarınıñ aq ve menfaatlarını qoruv, Rusiye Federatsiyasınıñ Ukrayınağa qarşı silâlı istilâsı ve işğali neticesinde Ukrayına şirketleri ve vatandaşlarına ketirilgen zararlarnı qarşılav.

Mesleat şurasınıñ yolbaşçısı Ukrayına prezidenti, Mesleat şurasınıñ kâtibi ise Ukrayına Prezidentiniñ Qırım Muhtar Cumhuriyetindeki Daimiy Vekili ola.

Daa evel berilgen malümatqa köre, avgustnıñ 23-nde «Qırım platformasınıñ» ekinci sammiti online formatında ötkerilecek. Qayd etilgenine köre, sammitke bıltır «Qırım platforması» Beyannamesine qoşulğan devlet yolbaşçıları davet etilecek.

XS
SM
MD
LG