Ukrayına Yuqarı Radası memlekette cenk vaziyetini 90 künge uzattı.
Cenk vaziyeti 2022 senesi noyabrniñ 21-ne qadar devam etecek. Ukrayına parlamenti «Umumiy seferberlik müddetini uzatuv» fermanını tasdıqlamaq içün rey berdi.
Eki qararğa 328 Ukrayına halq deputatı qoltuttı.
Ukrayınada fevralniñ 24-nde cenk vaziyeti ilân etildi. O vaqıt umumiy seferberlik ilân etildi.
Mayıs ayında Yuqarı Rada cenk vaziyetini avgustnıñ 23-ne qadar uzatqan edi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
