Avgustnıñ 11-nde faaller işğal etilgen Qırımda Rusiye quvetçileriniñ qırımtatarlarnıñ evlerinde keçirgen tintüvleri aqqında bildirdi.
Qırımnıñ Canköy rayonında «Qırım birdemligi» cemaat birleşmesiniñ jurnalisti Vilen Temeryanov ve faal Enver Kroşnıñ evinde tintüvler keçirile.
Berilgen malümatqa köre, Nemse Canköy (Blijnegorodskoye) köyünde Kroşnıñ evi ögünde Rusiye quvet organlarınıñ eki maşinası ve OMON ve Rosgvardiyanın beş hadimi buluna. «Qırım birdemligi» adise yerinde video çıqarmağa yasaq etildi, dep qoştı, QB mühbiri cep telefonı qolundan alındı, dep ayttı.
Soñra Rusiye quvetçileri jurnalistten «maşinağa minip, tintüv yeri yaqınlarında olmamasını ve foto ve video çıqarmamasını sert bir şekilde talap etti».
Qayd etilgenine köre, daa bir tintüv Canköyde Otvajnıh, 3 adresi boyunca Seitya Abbozovnıñ evinde oldı. Uquq qoruyıcı organlarınıñ hadimleri onı belli olmağan tarafqa alıp ketti.
Dörtünci tintüv Murat Mustafayevniñ evinde keçirildi: Canköy rayonı, Mirnovka k., Vinogradnıy aralığı, 9. Onı da belli olmağan yerge alıp kettiler.
Soñra Canköy rayonınıñ Özerne köyünde Edem Bekirovnıñ evinde keçirilgen tintüv aqqında haber etildi.
Faaller Vilen Temeryanovnıñ anası yaşağan evde yañı tintüv aqqında bildirdi.
Soñra altıncı tintüv aqqında belli oldı – Canköy rayonında Timofeyevna köyünde Rinat Aliyevniñ evinde.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
