Link açıqlığı

Saatnıñ esas haberi

«Ukrayınadaki cenk tek Rusiye aqqında degil, Avropa aqqında da aqiqatnı kösterdi» – Poloniya baş naziri


Poloniya ükümetiniñ yolbaşçısı Mateuş Moravetskiyniñ bildirgenine köre, Rusiyeniñ Ukrayınağa qarşı istilâsınen bağlı adise-vaqialar em Rusiyege, em umumen Avropağa yañıdan baqmağa imkân berdi.

«Bir çoq Avropa lideri Putinge özüniñ başını aylandırmağa imkân berdi ve bugün olar şaşqanlar», – dep qayd etti Poloniya baş naziri Euractiv Brüssel neşiri içün maqalesinde.

Moravetskiyniñ fikirince, «Putin memleketiniñ imperialistik tendentsiyaları olğanını körmege istemegenler bugün Rusiyede 19-ıncı ve 20-nci asırlarnıñ demonları canlanğanını añlamalı: milletçilik, kolonializm ve totalitarizm».

Lâkin Ukrayınadaki cenk «Avropa aqqında aqiqatnı kösterdi», dep tüşüne Poloniya baş naziri. Ğarp «aqıllı faaliyet yapmaq yerine geopolitik yuquğa daldı, artqan problemlerni körmedi», dep qayd etti o.

Mateuş Moravetskiy qayd etkenine köre, «Poloniyanıñ aqiqat monopoliyası olmasa da, Rusiye ile munasebetlerde diger memleketlerden daa çoq tecribesi bar. Hususan, Poloniya baş naziri Poloniya prezidenti Leh Kaçinskiyniñ fikrine diqqat ayırdı. Kaçinskiy öz vaqtında «Rusiye Gürcistanda toqtamaycaq, daa çoq isteycek», dep qayd etken edi. «Poloniya sesiniñ eşitilmegeni – bugün AB küreşken keniş bir problemniñ örnegidir».

Avropa Birliginiñ aza memleketleri beraber areket etmeli, dep qayd etti Poloniya baş naziri. Onıñ fikirince, «AB işiniñ diger saalarında bir printsipten vazgeçüv bizni daa küçlü ve büyük olğanlar daa kiçik ve zayıf olğanlardan üstün olğan bir modelge yaqınlaştıra».

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG