Link açıqlığı

Saatnıñ esas haberi

Bulğaristan rusiyelilerge viza berilüvini toqtattı


Bulğaristannıñ Moskva elçihanesi, 2022 senesi iyülniñ 4-ü
Bulğaristannıñ Moskva elçihanesi, 2022 senesi iyülniñ 4-ü

Bulğaristan rusiyelilerge turist ve mülk saibi içün viza berilüvini belli olmağan müddetke toqtata. Bu aqta Rusiyeniñ turoperatorlar birligi haber ete.

Böyle qararnıñ sebebi 14 Bulğaristan diplomatınıñ Rusiyeden sürgün etilüvi oldı. Bu aqta avgustnıñ 5-nde ilân etildi. Rusiye Tış işler nazirligi Bulğaristannıñ Rusiye çetel müessise hadimlerini sürgün etmek qararına cevap oldı, dep bildirdi.

İyünniñ 28-nde Bulğaristan Rusiye elçihanesiniñ 70 diplomatı ve tehnik hadimini sürgün etüv aqqında bildirdi. Rusiye akimiyeti elçihane ve baş konsullıq işi artıq «yoq sayıla», dep bildire.

Latviya da rusiyelilerge viza berilüvini toqtattı. Yaqın soynıñ cenazesine baruv istisna ola bile. Estoniya iyülniñ 28-nde Rusiye ve Beyazrusiye vatandaşlarına viza ve oturuv iznini bermeycek, dep ilân etti. Estoniya akimiyeti uzun müddetli milliy viza olmağan rusiyelilerge ve beyazrusiyelilerge mevsimlik işke kirmege yasaqladı. Bundan evel bunı Şengen añlaşmasınıñ memleketlerinden er angisinden alınğan turistik viza yardımınen yapmaq mümkün edi.

Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG