Kündüz Rusiye arbiyleri Mıkolayıvnıñ Korabel rayonına ateş açtı, ölgen ve yaralanğanlar bar. Bu aqta Mıkolayıv akimiyeti bildire.
«Zarar meydanı pek büyük. Mesken evler, çoq qatlı binalar zarar kördi. Yanğınlar bar, viran etilgen binalar bar ve can bergenler bar. Qurtarıcı hızmetler çalışa. Tafsilâtlı malümatnı berecem», – dep haber ete şeer yolbaşçısı Oleksandr Senkevıç Telegramda.
Mıkolayıv vilâyetiniñ arbiy memuriyet yolbaşçısı Vitaliy Kim «10-dan ziyade kişi yaralandı, bir yerde ateş neticesinde can bergenler bar».
Faal cenk uruşları vaziyetinde malümatnı teşkermege imkân yoq.
Mıkolayıvde avgustnıñ 5-i saat 23:00-ten avgustnıñ 8-i 5:00-ke qadar diversion gruppalarnı ve Rusiye casuslarını tapmaq içün uzun komendant saatı ilân etile.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
