Qırımda yaqın saatlarda ve künniñ soñuna qadar ava bozulacaq. Bu aqta Qırımdaki Rusiye Fevqulâde vaziyetler idaresi haber ete.
«Yaqın 1-2 saatta ve avgustnıñ 3-nde künniñ soñuna qadar, avgustnıñ 4-nde kündüz, avgustnıñ 5-nde Qırımda bazı yerlerde küçlü yağanaqlar yağacaq, kündüz burçaq, furtuna, saniyede 20-25 metr süratlı yel esmesi beklenile. Avgustnıñ 4-nde künniñ ekinci yarısında ve avgustnıñ 5-nde kün devamında özenniñ bazı yerlerinde suv seviyesi 0,5-1,5 metrge köterilecek», – dep aytıla haberde.
Qırımnıñ Gidromettsentr tenbilegenine köre, iş aftasınıñ soñuna qadar ava deñişecek, ava arareti eksilecek: gece 16-21°, kündüz 26-31° olacaq. Qara deñiz yalısında suv sıcaqlığı 22-24°, Azaq deñizde 25-26° olacaq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
